Deutsch (DE) 
Dolnoserbski Našo towaristwo
CO MY COMY
Nam, serbskim familijam wokoło Chóśebuza, lažy serbska rěc na wutšobje. Nam jo wažne, až wóna rěc ma pśichod doma a we lichem casu našych źiśi. Comy, až naše źiśi serbski powědaju! Togodla smy załožyli towaristwo „Gromaźe“. Z nim comy serbsku rěc a kulturu w familiji spěchowaś, serbske familije mjazy sobu zwězaś a z našymi zarědowanjami serbskorěcne rumy stwóriś. Comy se informěrowaś a se wó wósebnosćach dwójorěcnego kubłanja rozgranjaś.
Nam, serbskim familijam wokoło Chóśebuza, lažy serbska rěc na wutšobje. Nam jo wažne, až wóna rěc ma pśichod doma a we lichem casu našych źiśi. Comy, až naše źiśi serbski powědaju! Togodla smy załožyli towaristwo „Gromaźe“. Z nim comy serbsku rěc a kulturu w familiji spěchowaś, serbske familije mjazy sobu zwězaś a z našymi zarědowanjami serbskorěcne rumy stwóriś. Comy se informěrowaś a se wó wósebnosćach dwójorěcnego kubłanja rozgranjaś.
CO CYNIMY
We wokognuśu wuźěłajomy wšakorake póbitowanja a projekty. Wót slědnego lěta sem póbitujomy, gromaźe ze Šulu za dolnoserbsku rěc a kulturu, zwenkašulsku serbsku wucbu za wukniki zakładneje šule, ako doma serbsku rěc słyše a/abo powědaju. Wušej togo organizěrujomy jaden raz wob mjasec wósebne póbitowanja we lichem casu za zajmowane familije, wót drogowanjow do pśirody a zgromadnego warjenja až ku zgromadnemu spiwanju, źiśecem rejowanju, stanowanju a wulětam na kóńcach tyźenja. Pówitamy waše ideje!
We wokognuśu wuźěłajomy wšakorake póbitowanja a projekty. Wót slědnego lěta sem póbitujomy, gromaźe ze Šulu za dolnoserbsku rěc a kulturu, zwenkašulsku serbsku wucbu za wukniki zakładneje šule, ako doma serbsku rěc słyše a/abo powědaju. Wušej togo organizěrujomy jaden raz wob mjasec wósebne póbitowanja we lichem casu za zajmowane familije, wót drogowanjow do pśirody a zgromadnego warjenja až ku zgromadnemu spiwanju, źiśecem rejowanju, stanowanju a wulětam na kóńcach tyźenja. Pówitamy waše ideje!
SERBSKI POWĚDAŚ
Njejo cełe tak lažko, w kupkach zachopiś z komunikaciju w serbskej rěcy. Na jadnom boku njoco nicht wuzamknuś tych, ako njamógu (derje) serbski,a zachopijo toś zlažko jano nimski powědaś. Pón zasej su konstelacije, źož luźe kśě serbski powědaś, ale (hyšći) njewobkněźe ju derje dosć. Wšykne njejsmy eksperty, a procujomy se to na nejlěpjšy part zmejstrowaś. Pó ideji imersije jo pak rozsuźece we jadnej rěcy wóstaś, aby ju efektiwnje nawuknuł. Serbskorěcne njekśě se izolěrowaś, kśě pak telik rěcneje praksy měś ako móžno. Pśez nju nawuknjomy a zdźaržamy rěc. Za to jo teke notne, až zwenkastojece akceptěruju, gaž raz (hyšći) nic njerozměju. Howacej jo wažne, až glědamy za rozwězanjami, ako daju se lažko ze žywjenim zwězaś. Ideje su wutšobnje witane! Togodla mamy za swóje zarědowanja slědujuce zasady:
Njejo cełe tak lažko, w kupkach zachopiś z komunikaciju w serbskej rěcy. Na jadnom boku njoco nicht wuzamknuś tych, ako njamógu (derje) serbski,a zachopijo toś zlažko jano nimski powědaś. Pón zasej su konstelacije, źož luźe kśě serbski powědaś, ale (hyšći) njewobkněźe ju derje dosć. Wšykne njejsmy eksperty, a procujomy se to na nejlěpjšy part zmejstrowaś. Pó ideji imersije jo pak rozsuźece we jadnej rěcy wóstaś, aby ju efektiwnje nawuknuł. Serbskorěcne njekśě se izolěrowaś, kśě pak telik rěcneje praksy měś ako móžno. Pśez nju nawuknjomy a zdźaržamy rěc. Za to jo teke notne, až zwenkastojece akceptěruju, gaž raz (hyšći) nic njerozměju. Howacej jo wažne, až glědamy za rozwězanjami, ako daju se lažko ze žywjenim zwězaś. Ideje su wutšobnje witane! Togodla mamy za swóje zarědowanja slědujuce zasady:
- Naša rěcna politika:
Prědna wobchadna rěc jo serbska.
- Muse mójo góle/móje źiśiźiśi běžnje serbski powědaś móc?
Ně. Ale dejali pasiwnje něco rozměś a aktiwnje měś nanejmjenjej zakładne znajobnosći. Teke gaž źiśi cesto nimski mjazy sobu powědaju abo wótegranjaju starjejšym na nimski, mógu wóni profitěrowaś wót serbskorěcnego ruma. Nawuknu nejlěpjej we direktnej interakciji ze serbski powědajucymi. Tak nazgóniju, až ma to zmysł a wjasele cyni rěc nawóžowaś.
- Musym ja běžnje serbski powědaś móc?
Ně. Kuždy zajmc a kužda zajmcowka jo wutšobnje witany/-a. Gaž njamaš žednych abo mało znajobnosćow, dejał/-a źiwaś na to, až ma serbska rěc prědnosć. Teke dorosćone mógu sebje na taki part lažko pasiwne a prědne aktiwne znajobnosći pśiswójowaś. Serbskorěcne wopytaju wšykne nowacki a wuknjece zapśěgnuś.
- Wažne:
Pśi zarědowanjach maju dorosćone doglědowańsku winowatosć za swóje źiśi.